64 વર્ષની ઉંમરે પહેલી T20I મેચ રમી, આ ખેલાડીએ મેદાનમાં ઉતરતા જ ઇતિહાસ રચી દીધો

પોર્ટુગલની એક મહિલા ખેલાડીએ 64 વર્ષની ઉંમરે T20 આંતરરાષ્ટ્રીય ક્રિકેટમાં ડેબ્યૂ કર્યું છે અને મેદાન પર પગ મૂકતાની સાથે જ તેણે અજાયબીઓ કરી દીધી છે.

ક્રિકેટમાં, લોકો સામાન્ય રીતે 20 થી 22 વર્ષની ઉંમરે પોતાનું ડેબ્યૂ કરે છે અને ચાલીસ વર્ષની ઉંમર સુધીમાં નિવૃત્તિની જાહેરાત પણ કરે છે. પણ જો કોઈ ખેલાડી 64 વર્ષની ઉંમરે ડેબ્યૂ કરે તો શું? હા, આ બન્યું છે. પોર્ટુગલ અને નોર્વેની મહિલા ટીમો વચ્ચે એક T20 આંતરરાષ્ટ્રીય મેચ રમાઈ હતી. આ મેચમાં, જોના ચાઈલ્ડે 64 વર્ષ અને 185 દિવસની ઉંમરે પોર્ટુગલ મહિલા ટીમ માટે ડેબ્યૂ કર્યું, અને મહિલા T20 આંતરરાષ્ટ્રીય ક્રિકેટમાં ડેબ્યૂ કરનારી બીજી સૌથી મોટી ઉંમરની ખેલાડી બની હતી.

ડેબ્યૂમાં ફક્ત બે રન બનાવ્યા

મહિલા ટી20 આંતરરાષ્ટ્રીય ક્રિકેટમાં સૌથી મોટી ઉંમરે ડેબ્યૂ કરવાનો રેકોર્ડ સેલી બાર્ટનના નામે છે. તેણીએ 66 વર્ષ અને 334 દિવસની ઉંમરે એસ્ટોનિયા મહિલા ટીમ સામે જિબ્રાલ્ટર મહિલા ટીમ માટે ડેબ્યૂ કર્યું હતું. હવે જોઆના ચાઈલ્ડ મહિલા T20I ક્રિકેટમાં સૌથી મોટી ઉંમરે ડેબ્યુ કરનાર ખેલાડીઓની યાદીમાં સામેલ થઈ ગઈ છે. પરંતુ તેણીએ તેના ડેબ્યૂમાં સારું પ્રદર્શન કર્યું ન હતું અને ફક્ત બે રન જ બનાવ્યા હતા. તેણે ત્યાં બોલિંગ નહોતી કરી. આ આંતરરાષ્ટ્રીય મેચ પહેલા તેને કોઈ મેચ રમવાનો અનુભવ નહોતો હતો.

https://x.com/RicFinlay/status/1910155766847393885?t=xAZ_GZ1N-lopWKmZRODlOg&s=19

ખાસ વાત એ હતી કે આ મેચમાં જોઆના ચાઈલ્ડે 64 વર્ષની ઉંમરે ડેબ્યૂ કર્યું હતું. આ જ મેચમાં 15 વર્ષની ઈશ્રીત ચીમા, 16 વર્ષની મરિયમ વસીમ અને 16 વર્ષની અફશીન અહમદા પણ પોર્ટુગલ તરફથી રમી હતી. આવી સ્થિતિમાં, મેચમાં અનુભવ અને યુવા ઉત્સાહનું મિશ્રણ જોવા મળ્યું હતું.

https://x.com/krithika0808/status/1910191888025465234?t=JueCkVuIw5vIk8lRzbCPqA&s=19

પોર્ટુગલ મહિલા ટીમનો વિજય

પોર્ટુગલ મહિલા ટીમે નોર્વે મહિલા ટીમ સામેની T20 આંતરરાષ્ટ્રીય મેચ 16 રનથી જીતી લીધી. આ મેચમાં, પોર્ટુગીઝ મહિલા ટીમે પ્રથમ બેટિંગ કરીને 109 રન બનાવ્યા, જેના જવાબમાં નોર્વે મહિલા ટીમ ફક્ત 93 રનમાં ઓલઆઉટ થઈ ગઈ હતી. આ મેચમાં ઇશરત ચીમા અને ગેબ્રિયલ સેક્વેરાએ ત્રણ-ત્રણ વિકેટ લીધી હતી. આ ખેલાડીઓની બોલિંગ સામે નોર્વેજીયન ટીમ ટકી શકી નહીં. પોર્ટુગલ તરફથી પ્રથમ બેટિંગ કરતી વખતે, કિયોના સેક્વિએરાએ સૌથી વધુ 37 રન બનાવ્યા હતા.