ગુજરાતના કચ્છ-પાટણ-બનાસકાંઠામાં 12 પાકિસ્તાની ડ્રોન જોવા મળ્યા, સેનાએ તેમને તોડી પાડ્યા: સરહદી વિસ્તારોમાં બ્લેકઆઉટ રાજયના છેવાડે આવેલ હાલની પરિસ્થિતિ ધ્યાને રાખી વલસાડ જિલ્લામાં સુરક્ષા તમામ પગલાંઓ પોલીસ વિભાગ દ્વારા લેવાઈ રહ્યા છે

ગુજરાતના કચ્છમાં તથા બનાસકાંઠા સંપૂર્ણ બ્લેકઆઉટ લાદવામાં આવ્યો છે. ડ્રોન કચ્છ અને બનાસકાંઠા સરહદ પર પાકિસ્તાની ડ્રોન જોવા મળી રહ્યા છે.

પાકિસ્તાન આજે સતત ત્રીજા દિવસે પણ પોતાની ગતિવિધિઓ બંધ કરી રહ્યું નથી. જમ્મુ-કાશ્મીર, પંજાબ, રાજસ્થાન બાદ હવે ગુજરાતના સરહદી જિલ્લાઓમાં પાકિસ્તાની ડ્રોન જોવા મળ્યા છે. નવીનતમ માહિતી અનુસાર, પાટણ, કચ્છ અને બનાસકાંઠામાં 12 પાકિસ્તાની ડ્રોન જોવા મળ્યા છે. તે જ સમયે, નલિયા, જાખૌ અને નારાયણ સરોવરમાં ડ્રોન જોવા મળ્યા. સેના દ્વારા બધા ડ્રોનને તોડી પાડવામાં આવ્યા છે. કોઈ નુકસાનના સમાચાર નથી.

પાટણ અને કચ્છના તમામ સરહદી વિસ્તારોમાં અંધારપટ

પાકિસ્તાની ડ્રોન દેખાતા પાટણ અને કચ્છના તમામ સરહદી વિસ્તારોમાં બ્લેકઆઉટ લાદવામાં આવ્યું છે. સરહદી વિસ્તારોમાં અંધારું છવાઈ ગયું છે. એવું કહેવામાં આવી રહ્યું છે કે પાકિસ્તાન આ ડ્રોન દ્વારા જાસૂસી કરી રહ્યું છે. ગુજરાતના મુખ્યમંત્રી કાર્યાલયે જણાવ્યું છે કે સાવચેતીના પગલા રૂપે, પાટણ જિલ્લાની સરહદે આવેલા સાંતલપુર તાલુકાના ગામડાઓમાં બ્લેકઆઉટ લાદવામાં આવ્યો છે. બધા નાગરિકોને અફવાઓથી દૂર રહેવા અને વહીવટીતંત્ર દ્વારા સમયાંતરે જારી કરાયેલી સૂચનાઓનું પાલન કરવાની સલાહ આપવામાં આવે છે.

https://x.com/CollectorBK/status/1920876268473450690?t=eKa6C9s-D86mJVcRHroXsQ&s=19

ગુરુવારે પણ ડ્રોન જોવા મળ્યા હતા

ગુરુવારે પણ ગુજરાતના સરહદી જિલ્લાઓ કચ્છ અને બનાસકાંઠાના ઘણા ભાગોમાં બ્લેકઆઉટ લાદવામાં આવ્યું હતું. કચ્છ અને બનાસકાંઠા બંને જિલ્લાઓ પાકિસ્તાન સાથે સરહદ ધરાવે છે. સાવચેતીના પગલા તરીકે, ભુજ, નલિયા, નખત્રાણા અને ગાંધીધામ શહેરો સહિત કચ્છના ઘણા ભાગોમાં સંપૂર્ણ બ્લેકઆઉટ લાદવામાં આવ્યો છે.

https://x.com/collectorkut/status/1920868520587395156?t=mEJRD5InEE-3PAfOrXIx-w&s=19

તેવી જ રીતે, બનાસકાંઠા જિલ્લાના સુઇગામ તાલુકાના અનેક સરહદી ગામોમાં અંધારપટ જાહેર કરવામાં આવ્યો હતો. દિવસ દરમિયાન ગુજરાતના કચ્છ જિલ્લાના ખાવડા ગામ નજીક એક દૂરના સ્થળે ‘ડ્રોન’ જેવી વસ્તુનો કાટમાળ મળી આવ્યો હતો. આ વિસ્તાર ભારત-પાકિસ્તાન સરહદની નજીક છે.

ગુજરાતમાં ૧૫ મે સુધી ડ્રોન પર પ્રતિબંધ

તમને જણાવી દઈએ કે પાકિસ્તાન સાથેના તણાવને ધ્યાનમાં રાખીને, ગુજરાત સરકારે 15 મે સુધી ડ્રોન અને ફટાકડાના ઉપયોગ પર પ્રતિબંધ મૂક્યો છે. સરકારે સોશિયલ મીડિયા પર “રાષ્ટ્ર વિરોધી ભાવનાઓ ફેલાવનારાઓ” સામે કડક કાર્યવાહી કરવાની ચેતવણી પણ આપી છે. સરકારે સોશિયલ મીડિયા પર સેનાની ગતિવિધિઓ વિશે કોઈપણ માહિતી પોસ્ટ કરનારાઓ સામે કાર્યવાહી કરવાનો પણ આદેશ આપ્યો છે.

ગુજરાત રાજ્ય સરહદી વિસ્તારના છેવાડાના વલસાડ જિલ્લામાં સુરક્ષા વ્યવસ્થાઓ તેમજ જરૂરી પગલાઓ લેવાઈ રહ્યા છે: ડો.કરણરાજ વાઘેલા 

હાલમાં ભારત-પાકિસ્તાન વચ્ચે સર્જાયેલા તંગદિલીના વાતાવરણને ધ્યાને લઈને પાકિસ્તાનની સરહદને અડીને આવેલા ગુજરાત રાજ્યના સરહદી રાજ્ય તરીકે ગુજરાતની સતર્કતા અને સજ્જતાની ધ્યાને લઈ ગુજરાતનો 1600 કિલોમીટર દરિયા કિનારાઓ વિસ્તાર ધરાવતું રાજય છે રાજ્યનો છેવાડે આવેલા વલસાડ જિલ્લામાં સુરક્ષા વ્યવસ્થા વધારી દેવામાં આવી છે.

વલસાડ જિલ્લા પોલીસ અધિક્ષક ડો.કરણરાજ વાઘેલા પત્રકાર પરિષદ યોજી સમગ્ર માહિતી આપી હતી કે વલસાડ જિલ્લાની અડીને આવેલો 70 કિલોમીટર લાંબા દરિયાકાંઠા પર પેટ્રોલિંગ કરી રહી છે. આ સાથે પોલીસ અને વહીવટીતંત્રે માછીમારો સાથે બેઠકો પણ શરૂ કરી દીધી છે.

https://www.facebook.com/share/v/1AGgYd7Y2n/

વલસાડ જિલ્લા પોલીસ અધિકારીઓ તરફથી માછીમારોને કહેવામાં આવી રહ્યું છે કે તેઓ આગામી આદેશ સુધી માછીમારી ન કરે અને જો તેમને કોઈ શંકાસ્પદ વસ્તુ કે કંઈપણ દેખાય તો તેમણે તાત્કાલિક પોલીસને જાણ કરવી જોઈએ. પોલીસ દ્વારા જારી કરાયેલા આદેશ બાદ બધા માછીમારો દરિયામાંથી પાછા ફર્યા છે. આ ઉપરાંત પોલીસ દરિયા કિનારે આવેલા ગામડાઓમાં પણ સતત ચેકિંગ કરી રહી છે.