ભારત દેશની ૧૯મી એથ્લેટીક મીટમાં દેશના ૬૧૬ જિલ્લામાં સ્પર્ધકો અમદાવાદ ખાતે ઉમટશે

નવસારી જિલ્લામાંથી ૧૧ જેટલા ૧૪ અને ૧૬ વર્ષનું યુવાધન રનીંગ, જપીંગ અને થોઈંગ એટલે દોડ, ફેક, કૂદમાં ભાગ લેશે

નવસારી જિલ્લા ઍથ્લેટીક ઍસોસીઍશનના ઉપક્રમે ચેરમેન ડો. મયુર પટેલ ઉપપ્રમુખ આચાર્ય બોમી જાગીરદાર તથા પ્રા. મંત્રી ડો. રૂસ્તમ સદરીના માર્ગદર્શનમાં ૧૧ જેટલા થનગનતા યુવક યુવતીઓ આગામી તા. ૧૬-૧૭-૧૮ ડિસેમ્બરે રાષ્ટ્રીય કક્ષાની એથ્લેટીક મીટમાં ભાગ લેશે.

સમગ્ર દેશમાંથી ૫૫૦૦થી વધુ સ્પર્ધકો તથા ભારત દેશના ૩૧ રાજ્ય અને કેન્દ્ર શાસિત પ્રદેશ મળી ૬૧૬ જિલ્લાનુ યુવાધન ઓલિમ્પી કમીટ હોય તેમ ગુજરાત યુનિર્વિસટીના મેદાનને ગજવી મુકશે. આ થનગનતા નવસારી જિલ્લાનું પ્રતિનિધિત્વ કરનાર નવલોહિયા યુવધનને શુભકામના પાઠવવાનો પ્રસંગ ટાટા બોઈઝ સ્કૂલના પટાંગણમાં ડો. મયુર પટેલ તથા બોમી જાગીરદાર, ડો. રૂસ્તમ સદરીની ઉપસ્થિતિમાં જાણીતા પત્રકાર સામાજિક કાર્યકર ગૌતમ મહેતાના અતિથિ વિશેષ પદે યોજાયો હતો.