નવસારી જીલ્લા યોગસન ચેમ્પિયનશિપમાં નવસારી એ બી સ્કૂલના ભૂલકાંઓ ઝળકયા

નવસારી જીલ્લા યોગાસન ચેમ્પિયનશિપ હાલમાં યોગાસન એન્ડ સ્પોર્ટ્સ એસોસિએશન ઓફ નવસારીના ઉપક્રમે પાંચમી નવસારી જિલ્લા યોગાસન ચેમ્પિયનશિપ નવસારીના તિઘરા પાસે આવેલ બી. આર. ફાર્મ ખાતે યોજાઈ હતી.

નવસારી જિલ્લા કક્ષાની સ્પર્ધા હોવાથી જિલ્લાની 20 શાળાના કુલ 550 જેટલા વિદ્યાર્થીઓએ ભાગ લીધો હતો.આ યોગાસન ચેમ્પિયનશિપ ની આ સ્પર્ધામાં અલગ અલગ ઉંમરના ગૃપ રાખવામાં આવ્યા હતા. દરેકે દરેક ઉંમર વર્ષના ગ્રુપમાં નવસારીની એ બી સ્કૂલના વિદ્યાર્થીઓએ બાજી મારી હતી. જેમાં ઉંમર વર્ષ 12 થી 14 ના ગ્રુપમાં ધોરણ 9 ના વિદ્યાર્થી વ્યાસ ધ્યાન કરમેને પ્રથમ ક્રમ તેમજ ધોરણ 7 ના વિદ્યાર્થી શાહ સ્વયમ ગીરીશકુમારે ત્રીજો ક્રમ પ્રાપ્ત કર્યો હતો. ઉંમર વર્ષ 10 થી 12 ના ગ્રુપમાં ધોરણ 6 ની વિદ્યાર્થીની જાની આદેશ્વરી દેવાંગભાઈએ પ્રથમ ક્રમ તેમજ ધોરણ 5 ના વિદ્યાર્થી પટેલ યશ પ્રકાશભાઈએ ત્રીજો ક્રમ પ્રાપ્ત કર્યો હતો. ઉંમર વર્ષ 8 થી 10 માં ધોરણ 3 ની વિદ્યાર્થીની પટેલ રુહી આશિષકુમારે પ્રથમ ક્રમ, ધોરણ 3 ના વિધાર્થીઓ પટેલ ક્રિશી પ્રવીણભાઈ અને પટેલ હિઆન અંકુરકુમારે બીજો ક્રમ તથા ધોરણ 3 ની વિધાર્થીની જાદવ ઇશિતા કેતને ત્રીજો ક્રમ પ્રાપ્ત કર્યો હતો.

સમગ્ર નવસારી જિલ્લામાં યોગાસન ચેમ્પિયનશિપમાં ઉત્કૃષ્ટ દેખાવ તેમજ ઉચ્ચ દરજ્જા પ્રાપ્ત કરવા બદલ શાળા પરિવારે તમામ વિદ્યાર્થીઓને ખૂબ ખૂબ અભિનંદન પાઠવ્યા હતા.