નવસારી જિલ્લા નાગરિક પુરવઠા અને સલાહકાર સમિતીની બેઠક યોજાઈ

નવસારી જિલ્લા નાગરિક પુરવઠા અને સલાહકાર સમિતિની બેઠક જિલ્લા કલેકટર ક્ષિપ્રા આગ્રેના અધ્યક્ષસ્થાને જિલ્લા કલેક્ટર કચેરીના સભાખંડ ખાતે યોજાઇ હતી. 

જિલ્લા કલેકટર ક્ષિપ્રા આગ્રેએ સપ્ટેમ્બર-૨૦૨૪ માં તમામ લાભાર્થીઓને અનાજ સમયસર મળી રહે તથા એ.એ.વાય યોજના હેઠળ અગ્રતા ધરાવતા કુટુંબોને વિતરણ વ્યવસ્થા અંગે ચર્ચા-સમીક્ષા કરવામાં આવી હતી.

જિલ્લા પુરવઠા અધિકારી આર.સી.પટેલે જણાવ્યું હતું કે, જિલ્લા નાગરિક પુરવઠાની બેઠકમાં ઓગષ્ટ-૨૦૨૪ માં એન.એફ.એસ. એ. કાર્ડ ધારકોને પ્રધાનમંત્રી ગરીબ કલ્યાણ અન્ન યોજના હેઠળ ઓનલાઇનથી ૯૭.૩૧ ટકા અનાજ વિતરણ કરવામાં આવેલ છે. તેમજ એપ્રિલ- ૨૦૨૪ થી ઓગષ્ટ-૨૦૨૪ સુધીમાં જિલ્લાકક્ષાએ થી વાજબી ભાવની દુકાનની કુલ-૧૦૮, બિનપરવાનેદાર-૨૧, ગેસ એજન્સીઓ-૧૪, ગોડાઉન-૦૭, પેટ્રોલપંપ-૧૭ તપાસણી કરવામાં આવી છે.બેઠકમાં જિલ્લા પંચયાત પ્રમુખ પરેશભાઈ દેસાઈ તેમજ સમિતિના સભ્યો ઉપસ્થિત રહ્યા હતા.