ગુજરાત ના ટેકનીકલ ડાયરેક્ટર અમિત કલસરિયા ની રેફરી તરીકે પસંદગી

એસોસિએશન ઓફ ઇન્ડિયન યુનિવર્સીટી ના નેજા હેઠળ મ્ધ્યાન્ચલ પ્રોફેશનલ યુનિવર્સીટી દ્વરા તારીખ ૧૪ થી ૧૮ એપ્રિલ ૨૦૨૩ ના રોજ મ્ધ્યાન્ચલ પ્રોફેશનલ યુનિવર્સીટી કેમ્પસ, ભોપાલ, મધ્ય પ્રદેશ ખાતે ઓલ ઈન્ડયા ઈન્ટર યુનિવર્સીટી ગ્રેપ્લીંગ – રેસ્લીંગ ચેમ્પિયનશીપ યોજાનાર છે જેમાં ગ્રેપલીંગ કમીટી ઓફ ઈન્ડયા દ્વારા ગ્રેપ્લીંગ કમિટી ઓફ ગુજરાત ના ટેકનીકલ ડાયરેક્ટર અમિતભાઈ કલસરિયા ની રેફરી તરીકે પસંદગી કરવામાં આવી છે જે ગુજરાતના સૌપ્રથમ રેફરી હશે જે ઓલ ઈન્ડયા ઈન્ટર યુનિવર્સીટી ગ્રેપ્લીંગ – રેસ્લીંગ ચેમ્પિયનશીપ માં રેફરી તરકે કામગીરી કરશે. ગ્રેપલીંગ કમીટી ઓફ ઈન્ડયા દ્વારા યોજાતી રાષ્ટ્રીય કક્ષાની સ્પર્ધાઓમાં ગુજરાત ની રેફરી પેનલ ના રેફરીઓએ સારી ભૂમિકા નિભાવી છે

જેને ધ્યાને લઈને અમિતભાઈ  પસંદગી કરવામાં આવી છે. અમિતભાઈ કલસરિયા, સર જે.જે હાઇસ્કુલ, નવસારી ખાતે શારીરિક શિક્ષણ ના શિક્ષક તરીકે ફરજ બજાવે છે. આ સિદ્ધિ બદલ ગ્રેપ્લીંગ કમિટી ઓફ ગુજરાત ના પ્રમુખ ફરેદુન મિર્ઝા, ચેરમેન ડૉ. મયુર પટેલ તથા મંત્રી ગીરીશભાઈ મિસ્ત્રી તેમજ તમામ પદાધિકારીઓએ  અમિતભાઈ કલસરિયાને અભિનંદન આપી શુભેચ્છા પાઠવી હતી.