મધ્યપ્રદેશથી નવસારીમાં દેશી તમંચો લાવી વેચાણ કરતો વોન્ટેડ આરોપી ઝડપાયો

મધ્યપ્રદેશથી નવસારી  દેશી તમંચા વેચાણ લાવતા અંગે ગત 11 મી મે એ ત્રણ આરોપીઓને તમંચા સાથે નવસારી SOG પોલીસે ઝડપ્યા હતા. જેમાં ત્રણ પૈકી એક આરોપીને વોન્ટેડ જાહેર કરવામાં આવ્યો હતો.

જેમાં વોન્ટેડ આરોપીને એસ.ઓ.જી પોલીસ દ્વારા ઝડપી ટાઉન પોલીસને સોંપવામાં આવ્યો હતો. જેમાં આરોપીના રિમાન્ડ મેળવી વધુ તપાસ હાથ ધરવામાં આવી છે. નવસારીની એસઓજી પોલીસ દ્વારા ગત સપ્તાહ દરમિયાન દેશી તમંચાના વેચાણ કરવાના આરોપસર ત્રણ જેટલા આરોપીઓની ધરપકડ કરવામાં આવી હતી. આ તમામ આરોપીઓના રિમાન્ડ માંગ્યા બાદ રિમાન્ડ દરમિયાન આરોપીઓ સાથે રાખી તપાસ હાથ ધરાઈ હતી.

આ ગુનામાં વોન્ટેડ આરોપી શાહરૂખ શેખને એસઓજી પોલીસ દ્વારા ઘેલખડી ખાતેથી ઝડપી પાડવામાં આવ્યો છે. આ આરોપી શાહરૂખ શેખના પોલીસને જણાવ્યાનુસાર તેણે દેશી તમંચો મધ્યપ્રદેશથી લાવી નવસારીના વાઘા ભરવાડ નામના માથાભારે ઈસમને આપ્યો હોવાનું બહાર આવ્યું છે. નવસારી એસ.ઓ.જી પોલીસ દ્વારા આ આરોપીને નવસારી ટાઉન પોલીસને સોંપવામાં આવ્યો છે. આ પ્રકરણની વધુ તપાસ નવસારી ટાઉન પોલીસ સ્ટેશનના પીઆઈ ચૌધરી દ્વારા કરવામાં આવી રહી છે.

નાયબ પોલીસ અધિક્ષક એસ.કે રાય વધુ માહિતી આપતા જણાવ્યું હતુ કે, જેમાં આરોપીને હથિયાર બાબતે પૂછતા આ હથિયાર નવસારીમાં રહેતા વાઘા ભરવાડ નામના ઈસમને આપ્યું હતું. જે બાબતની આગળની તપાસ નવસારી ટાઉન પોલીસ દ્વારા કરવામાં આવી રહી છે. આરોપીની અટક કરી રિમાન્ડની કાર્યવાહી હાથ ધરવામાં આવી છે