‘મારી માટી, મારો દેશ’ થીમ પર ચિલ્ડ્રન પેઇન્ટિંગ વર્કશોપ યોજાયો

રમતગમત,યુવા અને સાંસ્કૃતિક પ્રવૃત્તિઓ, ગાંધીનગરના તથા ગુજરાત રાજ્ય લલિત કલા અકાદમીના ઉપક્રમે જિલ્લા યુવા વિકાસ અધિકારીની કચેરી, નવસારી દ્વારા આયોજિત ચિલ્ડ્રન પેઇન્ટિંગ વર્કશોપ ચીખલી તાલુકાના શ્રી. જે.એમ.પટેલ સાર્વજનિક હાઈસ્કુલ વિદ્યાભવન ખાતે તા.૧૦/૦૮/૨૦૨૨ થી તા.૧૪ /૦૮/૨૦૨૨ સુધી ચાલી રહ્યો છે.

આ વર્કશોપમાં નવસારી જિલ્લાના બાળકો મોટી સંખ્યામાં ભાગ લઇ રહ્યા છે. તેઓને ‘મારી માટી, મારો દેશ’ અભિયાન અંતર્ગત દેશભક્તિ , વીરોને શ્રધાંજલિ , આઝાદીકા અમૃત મહોત્સવ જેવી વિવિધ થીમ ઉપર ચિત્રકામ કરવા માટે તજજ્ઞો પાસેથી માર્ગદર્શન આપવામાં આવી રહ્યું છે .

આ વર્કશોપમાં બાળકોને રોજ ચિત્રકલાના અલગ અલગ પાસા પર જ્ઞાન આપવાની સાથે તજજ્ઞો દ્વારા ડેમોસ્ટ્રેશન કરી સમજણ આપવામાં આવી રહ્યું છે .જેમાં બાળકો ઉત્સાહભેર ભાગ લઈ રહ્યા છે.