થિયેટરમાં ફિલ્મ જોવા જવાની ના પાડતા પતિએ પત્નીની મારઝૂડ કરતાં અભયમ ટીમ મદદે આવી

નવસારી જિલ્લાના નજીકના વિસ્તારમાંથી એક મહિલા કોલ કરી જણાવેલ કે તેમના પતિ કંપનીના સ્ટાફ સાથે ફિલ્મ જોવા જવાનું જણાવ્યું હતું પરંતુ મારા નાના બાળકો હોવાથી રાત્રીના સમયે બાળકને મુકી ને જવું યોગ્ય ના લાગતા ના પાડતાં પતિએ મારઝૂડ કરી હતી જેથી ૧૮૧ અભયમ હેલ્પલાઇન ટીમે પતિને કાઉન્સિલિંગ કરી યોગ્ય માર્ગદર્શન આપી સમાધાન કરાવ્યું હતું.

૧૮૧ અભયમ હેલ્પલાઇન ટીમ નવસારીને મળતી માહિતી મુજબ મહિલાના પતિ હીરાની કંપનીમા કામ કરે છે તેણે સ્ટાફ સાથે નક્કી કર્યુ કે રાત્રે ફિલ્મ જોવા જોવા જવું. જેથી તેમણે પત્નિને રાતે ફિલ્મ જોવા જવા કહ્યું હતું પરંતુ પતિ નસો કરીને આવતા પત્નિએ જવાની ના પાડતા પતિએ તેમની મારઝૂડ કરી ઘરમાંથી નીકળી જવા કહયું હતું. પત્નિએ તેમના નાના બે બાળકો હોવાથી ઘરમાથી જવાની પાડી હતી.

અભયમ ટીમે મહિલાના પતિ ને સમજાવ્યું કે, તમારા બાળકો નાના છે તો તમારી ફરજ હોય છે તેમને સમજવાની. તમારી પત્ની ઘર ચલાવે છે બાળકો ને સાચવે છે અને બાળકોનું વિચારીને આવવાની ના પાડી છે. તમારી પત્ની સમજે છે તો શા માટે હાથ ઉપાડો છો બાળકો મોટા થશે ત્યારે તમે જઈ શકો છો. પત્નિ પર હાથ ઉપાડવું ગુનો છે જેથી હવે પછી હાથ ઊપાડવુ નહિ અને હળીમળીને પરિવારમાં રહેવું. તમારી પત્ની સારી છે કે ઘરનું વિચારે છે, તમારું વિચારે છે એમ કહીને સમજાવતાં મહિલાના પતિ સમજી ગયો હતો અને તેમણે પત્ની પાસે માફી માંગી હવે પછી આવી ભૂલ નહી કરું તેમ જણાવી સારી રીતે રહેવાની ખાત્રી આપતા સુખદ સમાધાન કરાવ્યું હતું. મહિલાએ ૧૮૧ અભયમ ટીમનો આભાર વ્યક્ત કર્યો હતો.