વેટરનરી કોલેજ કામધેનુ યુનિવર્સિટી નવસારી ખાતે રકતદાન કેમ્પ તથા થેલેસેમિયા ચકાસણીનું આયોજન કરાયુ

રાષ્ટ્રીય સેવા યોજના વેટરનરી કોલેજ કામધેનુ યુનિવર્સિટી નવસારી અને લાયન્સ ક્લબ નવસારીના સંયુકત ઉપક્રમે ઇન્ડિયન રેડ ક્રોસ સોસાયટી દ્વારા તા. ૧૩/૦૬/૨૦૨૪ના રોજ સ્વ. શ્રી કૃણાલસિંહ ભદ્રેસસિંહ ચૌહાણની સાતમી પુણ્યતિથી નિમિતે રકતદાન કેમ્પ તથા થેલેસેમિયા ચકાસણીનું આયોજન કરાયુ હતું. આ કેમ્પમાં વિદ્યાર્થીઓ અને સ્ટાફે મળીને એમ કુલ ૪૯ યુનિટ રક્તદાન એકત્ર કર્યું હતું.આ ઉપરાંત સ્નાતક તેમજ પોલિટેકનિક વિદ્યાર્થીઓના કુલ ૧૧૩ જેટલા થેલેસેમિયા ટેસ્ટ કરવામાં આવ્યા હતા.

આ પ્રસંગે ડો. વી. બી. ખરાદી, આચાર્ય વેટરનરી કોલેજ દ્વારા રક્તદાન એ મહાદાન અને થેલેસેમિયા અંગેની સમજ આપીને વિધાર્થીઓને આ અંગે જાગૃત કરવામાં આવ્યા હતા. સદર કાર્યકમમાં કોલેજના સ્ટાફ, લાયન્સ ક્લબના પ્રમુખ સમકિત  શ્રીમાલ, રાજેશ્રીબેન ખરાદી તથા અન્ય સભ્યો હાજર રહી વિદ્યાર્થીઓને પ્રોત્સાહિત કરેલ છે. આ કાર્યક્રમને સફળ બનાવવા માટે ડો. અજય રાવળ પ્રોગ્રામ ઓફિસર, એન. એસ. એસએ ડો. વી. બી. ખરાદી, આચાર્ય ના માર્ગદર્શન હેઠળ કામગીરી કરેલ હતી.