નવસારી કૃષિ યુનિવર્સિટીને ડીજીટલ ટ્રાન્સફોર્મેશન એવોર્ડ એનાયત કરવામાં આવ્યો

૧૩ ડિસેમ્બર, ૨૦૨૪ના રોજ આસામ સરકારના ઇન્ફોર્મેશન ટેક્નોલોજી વિભાગના સમર્થન થી ilouge Media દ્વારા આસામના ગુવાહાટી ખાતે યોજાયેલ ડિજિટલ ટ્રાન્સફોર્મેશન કોન્ક્લેવ ૨૦૨૪ (GovConnect) દરમ્યાન નવસારી કૃષિ યુનિવર્સિટીના કુલપતિશ્રી ડૉ.ઝેડ. પી. પટેલ ને “NAU AEMS (Agricultural Experiment Monitoring System)” ઓનલાઈન મોનીટરીંગ એપ્લીકેશન માટે ‘Initiative in Agri Tech’ કેટેગરીમાં ડીજીટલ ટ્રાન્સફોર્મેશન એવોર્ડ એનાયત કરવામાં આવ્યો.કેશબ મહંતા, માનનીય મંત્રી (Revenue and Disaster Management, Science Technology & Climate Change and Information Technology) આસામ સરકાર આ કાર્યક્રમના મુખ્ય અતિથિ રહ્યા હતા.

યુનિવર્સિટીના વૈજ્ઞાનિકો દ્વારા કરવામાં આવતા કૃષિક્ષેત્રના વિવિધ સંશોધન કાર્યનું રોજેરોજ નિરીક્ષણ, સરળ દસ્તાવેજીકરણ અને વિસ્તૃત અહેવાલો નો યુનિક અને ડીજીટલ ડેટાબેઝ તૈયાર થઇ શકે તે માટેનો ઓનલાઈન એપ્લીકેશન બનાવવાનો અદ્ભુત અને નવીનતમ વિચાર ડો.ઝેડ.પી.પટેલ ની દેન છે. ડો. પટેલના આ નવીનતમ વિચારને પરિપૂર્ણ કરી કરવાની જવાબદારી યુનિવર્સિટીના ઇન્ફોર્મેશન ટેકનોલોજી વિભાગના હેડ શ્રી ચિરાગ નાયકને સોપવામાં આવી અને શ્રી નાયક અને તેમની સમગ્ર આઈ.ટી.ટીમ તેમજ આ કામગીરી અર્થે નિયુક્ત થયેલ કમિટી સભ્યો ના સહયોગ થી ડો.પટેલનું સ્વપ્ન ને સાકાર થયું છે.

હાલ આ ઓનલાઈન એપ્લીકેશનમાં કૃષિ સંશોધન ના કુલ ૧૭૧૫ પ્રયોગો નોંધાયેલા છે, જેમાંથી ૧૪૫૮ સક્રિય પ્રયોગો વિકસિત ઓનલાઈન એપ્લીકેશન દ્વારા રોજેરોજના નિરીક્ષણ અને દેખરેખ હેઠળ છે. અન્ય ૨૫૭ પ્રયોગો નું કાર્ય પૂર્ણ થયેલ છે. નજીકના ભવિષ્યમાં ઓનલાઈન એપ્લીકેશનમાં આર્ટિફિશિયલ ઇન્ટેલિજન્સ (AI) અને મશીન લર્નિંગ (ML) તકનીકોને એકીકૃત કરવાની યોજના પણ વિચાર હેઠળ છે. આ અદ્યતન તકનીકોના સમાવેશ થી ડેટા વિશ્લેષણની સચોટતા અને કાર્યક્ષમતામાં વધુ વધારો કરી સંશોધકો, વિદ્યાર્થીઓ અને ખેડૂતોને સમાન રીતે વધુ મૂલ્યવાન આંતરદૃષ્ટિ પ્રદાન થશે.

આજના ડીજીટલ યુગમાં નવસારી કૃષિ યુનિવર્સિટી દ્વારા આ કાર્ય કરવા બદલ એવોર્ડ એનાયત થતા વઘુ મોરપીંછ ઉમેરાયું