ગુજરાત ક્રિકેટ એસોસિએશન દ્વારા ટેલેન્ટ સર્ચ પ્રોગ્રામ નવસારીના ચીખલી તાલુકા ખાતે યોજાયો

ગુજરાત ક્રિકેટ એસોસિએશન (GCA) અને નવસારી ડિસ્ટ્રીકટ ક્રિકેટ એસોસિએશન (NDCA) આયોજિત ટેલેન્ટ સર્ચ પ્રોગ્રામ ચીખલીનાં મોહનલાલ દેસાઇ ક્રિકેટ ગ્રાઉન્ડ (MCA), ચીખલી કોલેજ ખાતે યોજવામાં આવ્યું હતું. જેમાં નવસારી જિલ્લાના અન્ડર – ૧૬ ભાઈઓમાં ૬૪, અન્ડર – ૧૯ ભાઈઓમાં ૩૮ અને ઓપન એજ ગ્રુપ બહેનોમાં ૨૪ એમ કુલ ૧૨૬ ખેલાડીઓએ ભાગ લીધો હતો. સિલેક્શન કમિટીમાં ગુજરાત ક્રિકેટ એસોસિએશન તરફથી લલીત પટેલ ,ભાવિક પટેલ ,અને પૂર્વી પટેલે સેવા આપી હતી .

દરેક ગ્રુપ માં તેઓના સિલેક્શનનાં દેખાવને આધારે પસંદ પામેલા ખેલાડીઓને કમબાઈન્ડ ડિસ્ટ્રીકટ ટીમમાં પસંદગી માટે અમદાવાદ મુકામે બોલાવવામાં આવશે. ગુજરાત ક્રિકેટ એસોસિએશન (GCA) દ્વારા યોજાયેલ આ ટેલેન્ટ સર્ચ પ્રોગ્રામનાં આયોજન માટે નવસારી ડિસ્ટ્રીકટ ક્રિકેટ એસોસિએશનનાં પ્રમુખ અને જલાલપોર વિસ્તારના ધારાસભ્ય આર. સી. પટેલ સાહેબે શુભેચ્છા પાઠવી હતી. અને નવસારી ડિસ્ટ્રીકટ ક્રિકેટ એસોસિએશન વતી હોદ્દેદારો , ઉપ પ્રમુખ મનહર ધોડીયા, સેક્રેટરી પરેશભાઈ દેસાઇ , કારોબારી સભ્ય જયદીપ દેસાઇ, કાંતિભાઈ પટેલ, કમલેશભાઇ પટેલ, દર્શિત ગોસ્વામી અને ચીખલી કોલેજના મેનેજીંગ ટ્રસ્ટી અને મોહનલાલ દેસાઇ ક્રિકેટ ગ્રાઉન્ડ (MCA)ચીખલી કોલેજનાં ઓનર દર્શનભાઈ દેસાઇએ હાજરી આપી ખેલાડીઓને પ્રોત્સાહન પૂરું પાડ્યું હતું.

આ ટેલેન્ટ સર્ચપ્રોગ્રામનું સંચાલન અને ગ્રાઉન્ડ-નેટ ની વ્યવસ્થા ચીખલી કોલેજનાં શા. શિ. નાં અધ્યાપક અને કારોબારી સભ્ય ડો. જયમલ નાયકે કર્યું હતું.