દિપડાનો ચોથો હુમલો નોંધાયો: વાંસદા તાલુકામાં દિપડા ફરી એકવાર હુમલો, શેરડીના ખેતરમાં રમી રહેલા 8 વર્ષીય બાળક પર હુમલો કર્યો, ઈજાગ્રસ્ત બાળક હોસ્પિટલ સારવાર હેઠળ

નવસારી જિલ્લાના પૂર્વ પટ્ટી ડુંગરાળ પ્રદેશ એવા વાંસદા તાલુકામાં મોટીવાલઝર તેમજ ઉપસળ બે બાળકીઓ ઉપર દિપડાએ હુમલો ત્યારબાદ સિંગાડ ગામે પુરુષ ઉપર હુમલો ફરી એકવાર દીપડાની ચોથી હુમલાની ઘટના બનવા પામી છે. આજે ધાકમાળ ગામે ઉપલું ફળિયું સાંજના સમયે ઘર નજીક આવેલા શેરડીના ખેતરમાં રમી રહેલા આઠ વર્ષીય આરવ રાજેન્દ્રભાઈ મહાકાલ નામનું બાળક પર દીપડાએ અચાનક હુમલો કયો હતો.હુમલામાં ઈજાગ્રસ્ત થયેલા બાળકને તાત્કાલિક સારવાર માટે નજીકની ખાનગી હોસ્પિટલમાં ખસેડવામાં આવ્યો છે, જ્યાં તેની સારવાર ચાલ રહી છે. ઘટનાની જાણ થતાં જ વાસંદા પૂર્વ નોર્મલ વન વિભાગનો કાફલો આર.એફ.ઓ ચેતન પટેલ સહિત સ્ટાફ ધટના સ્થળે પહોંચી ગયો હતો.

આ વિસ્તારમાં છેલ્લા કેટલાક સમયથી દીપડાના હુમલાની ઘટનાઓ વારંવાર બની રહી છે, જેના કારણે સ્થાનિક રહીશોમાં ભયનો માહોલ છે. વન વિભાગના અધિકારીઓએ દીપડાને પકડવા માટે પાંજરું મૂકવાની કાર્યવાહી શરૂ કરી છે. વન વિભાગ દ્વારા લોકોને સતર્ક રહેવા અને સાંજના સમયે બાળકોને એકલા ન રમવા કે મુકવા સૂચના આપવામાં આવી છે.

વાંસદા પંથકમાં મોટીવાલઝર તેમજ ઉપસળ બે બાળકો ઉપર દિપડાએ હુમલો ત્યારબાદ સિંગાડ ગામે પુરુષ ઉપર હુમલો

વાંસદા પંથકમાં દિપડાના હુમલાની ચોથી ધટના બનવા પામી