સ્વચ્છતા હી સેવા અભિયાન અંતર્ગત ‘સખી ટોક શો ‘અંતર્ગત કચરામાંથી કંચન થીમ આધારિત ખાતર બનાવવાની પદ્ધતિ વિશે સમજણ આપવામાં આવી 

સ્વચ્છતા હી સેવા અંતર્ગત જલાલપોર તાલુકાના સુલતાનપુર , ચીખલી તાલુકાના ઘેજ અને રૂમલા ,ગણદેવી તાલુકાના ગડત , વાંસદા તાલુકાના વાંદરવેલ તથા ખેરગામ તાલુકાના આછવણી ગામ ખાતે “સખી ટોક શો” કાર્યક્રમ યોજાયા હતા જેનો મુખ્ય ઉદેશ ગ્રામજનોમાં સ્વચ્છતાની આદત જળવાય તેમજ ગામની મહિલા તથા બહેનો “કચરામાંથી કંચન” થીમ આધારિત ખાતર બનાવી કૃષિમાં ઉપયોગ કરવાનો હતો.

આ ઉપરાંત નવસારીના અન્ય ગામોમાં પણ “સખી ટોક શો”નું આયોજન કરવામાં આવ્યું હતું જેમાં સખીઓ દ્વારા સ્વચ્છતા, પ્રાકૃતિક ખેતી જેવા વિષય પર ચર્ચા વિચારણા કરવામાં આવી હતી. ઉપરોક્ત કાર્યક્રમ ગામની મહિલાઓ માટે સશક્તિકરણ અંગે વિચારો રજૂ કરવાનું મંચ બન્યું હતું. આ અવસરે ઉપસ્થિત સૌ મહિલાઓએ સ્વચ્છતા શપથ લઈ ગામને સ્વચ્છ રાખવામાં સકલ્પબદ્ધ બન્યા હતા .